Սկիզբ / Սփյուռք / Սփյուռքահայը պետք է օգնի ու իրավունքներ չունենա, իսկ հայաստանցին էլ պահանջի՝ տվե՛ք,տվե՛ք

Սփյուռքահայը պետք է օգնի ու իրավունքներ չունենա, իսկ հայաստանցին էլ պահանջի՝ տվե՛ք,տվե՛ք

«Հայաստան» համահայկական հիմնադրամի հոգաբարձուների խորհրդի մայիսի 25-ի նիստի ընդմիջմանը լրագրողների հետ զրույցում ՀՀ նախագահ Արմեն Սարգասյանն անդրադարձել է Հայաստան-Սփյուռք կապերինիր տեսլականով կիսվել Հայաստանի ապագայի վերաբերյալ՝ հայտարարելով . «…Մենք ունենք բարիերներ Հայաստանի և Սփյուռքի միջև։ Դրանք , ցավոք, շատ են։ Այդ բարիերները պետք է վերացնենք։ Քանի չենք վերացրել, նորից մնալու ենք այս հարցի առաջ՝ սփյուռքահայը պետք է օգնի ու իրավունքներ չունենա, իսկ հայաստանցին էլ պահանջի՝ տվե՛ք,տվե՛ք։ Եկե՛ք մտածենք որպես մեկ ազգ։ Գուցե մեկ օր հասնենք նրան, որ Սփյուռքում ապրող Հայաստանի քաղաքացիները ունենան իրավունք հայաստանյան ընտրություններին մասնակցեն»,- ընդգծելով ՝ իր ցանկությունն է , որ Սփյուռքը ներգրաված լինի հայաստանյան կյանքին։

Այն, որ նախագահի շեշտադրած խնդիրները մշտապես տեղ են ունեցել Հայաստան — Սփյուռք հարաբերություններում , կհաստատի ցանկացած մեկն , ով տևական ժամանակ բնակվում է Հայաստանի սահմաններից դուրս: Երկար տասնամյակներ շարունակ՝ դեռևս ԽՍՀՄ ժամանակաշրջանից սկսած, հայաստանցիների կողմից Սփյուռքը դիտարկվել է որպես յուրատեսակ բարիքների աղբյուր, որը, սակայն, որևիցե փոխհատուցում չի պահանջում ու որից կարելի է անվերջ սնվել ,բայց շնորհակալություն չհայտնել :
Չնայած անկախության ձեռքբերումից հետո որոշ փորձեր արվեցին սփյուռքի մասնակցությունը ՀՀ ներքին կյանքին ակտիվացնելու, հարկ եղած դեպքում և աջակցելու , սակայն կյանքը ցույց տվեց , որ այդ փորձերը ոչ արդյունավետ էին , ու հիմա ունենաք այն ինչ ունենք :
Արմեն Սարգսանը, փաստորեն, ակնհայտորեն ներշնչված հեղափոխության գաղափարներով ու նոր Հայաստանի սկզբնավորման իրողությամբ, հայտարարում է , որ առաջիկայում ՀՀ իշխանությունների ու անձամբ իր ուշադրության կենտրոնում է գտնվելու այդ խնդիրը, ինչը միմիայն ուրախալի պետք է համարել , քանի որ գաղտնիք չէ՝ մի բան է Հայաստանը միայնակ , մեկ այլ բան՝ Սփյուռքով : Ընդորում՝ Սփյուռքի ներգրավվածությունը կարևոր է նաև Հայաստանի անվտանգության ապահովման տեսանկյունից՝ ապացուցելու գերտերություններին , որ Հայաստանը միայնակ չէ այս բարդ տարածաշրջանում ու հարկ եղած դեպքում կարող է տեր կանգնել իր իրավունքներին : Հարցը կարևրո է նաև տնտեսական առումով , երկրում ներդրումների ներգրավման , տնտեսական աշխուժությունը գոնե նորմալ մակարդակի հասցնելու տեսնակյունից՝ բաներ , որոնք առանց սփյուռքահայերի ակտիվ ներգրավման նույնպես ոչ մի կերպ չեն կարող կյանքի կոչվել :
Հայաստան — Սփյուռք կապերի՝ որակապես նոր աստիճանի բարձրացումը անչափ կարևոր է նաև հայության ողջ մտավոր պոտենցիալի պատշաճ կիրառման տեսանկյունից: 21- րդ դարը մտքի դար է , ու Սփյուռքը Հայաստանին այս առումով շատ բան ունի առաջարկելու:
Կարճ ասած՝ եթե առաջիկա տարիներին կյանքի կոչվեն Արմեն Սարգսյանի լուսավոր ծրագրերն , ապա հայությունը որակապես այլ Հայաստան կարող է ունենալ՝ դինամիկ զարգացող , քաղաքակիրթ աշխարհի անքակտելի մասնիկ հանդիսացող ու սեփական շահերին հետամուտ լինող երկիր :
Ճիշտ է՝ կարևոր է նաև հասկանալ , որ բարի ցանկություններն այդպես էլ կմնան ընդամենը ցանկություններ , եթե Հայաստանին չհաջողվի կարևորագույնը: Հարկավոր է կառուցել շատ ավելի արդար , մարդկային դեմք ունեցող պետական կառավավարման համակարգ , համակարգ , որը զերծ կլինի կոռուպցիոն մեխանիզմներից , թալանչիական հոգեբանություն ունեցող չինովնիկներից ու կազմված կլինի հայրենասեր մարդկանցից , այնպիսիներից , որոնց համար պաշտոնը կլինի ոչ թե հարստություն կուտակելու միջոց , այլ հասարակությանը ծառայելու ուղի : Հետևաբար՝ հարցը , թե որքան արագ մեզ կհաջողվի մեկտեղել Սփյուռքի անսպառ ներուժը հայրենիքում , կախված է նրանից , թե որքան արագ ՀՀ իշխանություններին կհաջողվի դուրս բերել երկիրը ճահճից ու ապահովել այն նվազագույն միջավայրն , ուր այլևս Սփյուռքի ներուժը ոչ թե կփոշիացվի , այլ կծառայի իր բուն նպատակին՝ հայրենիքի շենացմանը :
Գայանե Մանուկյան

Աղբյուրը: Սփյուռքահայը պետք է օգնի ու իրավունքներ չունենա, իսկ հայաստանցին էլ պահանջի՝ տվե՛ք,տվե՛ք

Մասին USArmeniaNews.com

Կարդացեք նաև

Եթե Հայաստանի հասարակությունը որոշի, ես կլինեմ Արցախում

Արցախ գնալու տրամադրություն չունեմ՝ այսօր լրագրողների հետ զրույցում ասաց ԼՂՀ ՊԲ հրամանատար Սամվել Բաբայանը մեկուսարանից …

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով