Երկուշաբթի , Հուլիսի 23 2018
Սկիզբ / Արցախ / Արտասահմանյան բժիշկներն Արցախում շարունակում են բարդ վիրահատություններ կատարել

Արտասահմանյան բժիշկներն Արցախում շարունակում են բարդ վիրահատություններ կատարել

74091

ԱՄՆ-ի Կալիֆորնիայի նահանգի Ֆրեզնո քաղաքից մի խումբ բժիշկներ Արցախում շարունակում են անվճար իրականացնել քաղաքացիների ընդունելություն, հետազոտություններ, խորհրդատվություններ և վիրահատություններ:

Բացի մասնագիտական ծառայություններից նրանք «Մոր և մանկան առողջության պահպանման կենտրոն»-ին նվիրաբերել են լապարասկոպիկ և հիստերոսկոպ սարքեր:

«Արցախպրես»-ի թղթակցի հետ զրույցում գինեկոլոգ Ջեֆ Թոմասն ասել է, որ այս տարի 25 հազար ԱՄՆ դոլարի վիրահատականսարքավորումներ է ուղարկել Արցախ: «Մենք այստեղ ենք փորձով կիսվելու արցախցի մեր գործընկերների հետ: Արդեն իրականացրել ենք 6 վիրահատություն: Նշեմ, որ լապարասկոպիկ այս նոր սարքի միջոցով, հիվանդին քիչ ցավ պատճառելով, վիրահատությունն ավելի հեշտ և արդյունավետ է կատարվում»,-ընդգծել է Ջ. Թոմասը:

Իսկ Վիրահատարանի սենյակի համակարգող Ռեգինա Ուվելսն էլ «Մոր և մանկան առողջության պահպանման կենտրոն»-ում լապարասկոպիկ և հիստերոսկոպիկ սարքերը փորձարկել է և տեղի մասնագետներին բացատրել դրանց օգտագործման ձևերը: «Լապարասկոպիկ վիրահատությունն ավելի կարճ է տևում և քիչ տրավմա է պատճառվում հիվանդներին: Ուրախ եմ, որ արցախցիների համար իմ ներդրումն ունեմ: Շոյված եմ՝ ԱՀ ղեկավարության և բուժաշխատողների կողմից մեզ այսպիսի ջերմ ընդունելության արժանացնելու համար»,-նշել է Ռ. Ուվելսը:



Աղբյուրը: Արտասահմանյան բժիշկներն Արցախում շարունակում են բարդ վիրահատություններ կատարել

Մասին AraratNews.am

Կարդացեք նաև

Մենք շարունակում ենք աջակցել Հարավային Կովկասում հակամարտությունների խաղաղ կարգավորմանն ուղղված ջանքերին. ՆԱՏՕ

Մենք պահպանում ենք մեր կոմնակցությունն աջակցությանը Հայաստանի, Ադրբեջանի, Վրաստանի եւ Մոլդովայի տարածքային ամբողջականությանը, անկախությանն ու …