Երկուշաբթի , Հուլիսի 16 2018
Սկիզբ / Պաշտոնական լրահոս / Վարչապետը հանդիպել է Իրանի նավթի և էներգետիկայի նախարարների հետ

Վարչապետը հանդիպել է Իրանի նավթի և էներգետիկայի նախարարների հետ

Իրանի Իսլամական Հանրապետություն կատարած պաշտոնական այցի երկրորդ օրը վարչապետ Կարեն Կարապետյանն իր կեցավայրում ընդունել է Իրանի նավթի նախարար Բիժան Զանգանեին և էներգետիկայի նախարար Սաթթար Մահմուդիին: 
Հանդիպումների ընթացքում զրուցակիցները գոհունակություն են հայտնել էներգետիկայի ոլորտում երկկողմ համագործակցության մակարդակից և վստահությամբ նշել, որ երկու հարևան պետություններն ունեն փոխգործակցության զարգացման մեծ հնարավորություններ: Կողմերը համոզմունք են հայտնել, որ ՀՀ վարչապետի պաշտոնական այցը նոր լիցք կհաղորդի երկկողմ փոխշահավետ հարաբերություններին: Իրանական կողմն ընդգծել է, որ շահագրգռված են Հայաստանի հետ կապերի ընդլայնմամբ ու խորացմամբ: 
Հանդիպմանը քննարկվել են գազ՝ էլեկտրաէներգիայի դիմաց ծրագրի ընդլայնմանը, միջկառավարական հանձնաժողովի առաջիկա նիստում քննարկվելիք հարցերին, Մեղրիի ՀԷԿ-ի ծրագրին, Հայաստան-Իրան-Թուրքմենստան եռակողմ համագործակցությանը վերաբերող մի շարք հարցեր: 




Աղբյուրը: Վարչապետը հանդիպել է Իրանի նավթի և էներգետիկայի նախարարների հետ

Մասին USArmeniaNews.com

Կարդացեք նաև

Առեւտրային պատերազմը կարող է բացասաբար ազդել նավթի համաշխարհային շուկայի վրա․ ՕՊԵԿ

Առեւտրային պատերազմը կարող է բացասաբար ազդել նավթի համաշխարհային շուկայի վրա։ Այս մասին ասված է ՕՊԵԿ-ի …