Երեքշաբթի , Հոկտեմբերի 24 2017
Սկիզբ / ՀՀ Ոստիկանական Համակարգի Իրական Դեմքը / Ոստիկանության աշխատակիցը յուրացրել է 1.850.000 ՀՀ դրամ. հարուցվել է քրեական գործ

Ոստիկանության աշխատակիցը յուրացրել է 1.850.000 ՀՀ դրամ. հարուցվել է քրեական գործ

Հատուկ քննչական ծառայությունում  քրեական գործ է հարուցվել ոստիկանության աշխատակցի կողմից խոշոր չափերով գումար հափշտակելու դեպքի առթիվ Արմավիրի մարզի Ջրաշեն գյուղի բնակիչ Ռ. Ռ.-ից ստացված հաղորդման հիման վրա:

ՀՔԾ-ն տեղեկացնում է, որ Այսպես, Ռ. Ռ.-ն հաղորդում է տվել այն մասին, որ 2016 թվականի հունվարի 1-ից 2017 թվականի ապրիլն ընկած ժամանակահատվածում Շիրակի մարզի Աշոցք և հարակից համայնքների ավելի քան 70 անձանցից ձեռք է բերել խոշոր եղջերավոր անասուններ և, նախապես ձեռք բերված պայմանավորվածության համաձայն, ընկերոջ` ՀՀ ոստիկանության Շիրակի մարզային վարչության Աշոցքի բաժնի  աշխատակցի միջոցով վաճառողներին փոխանցել 57մլն ՀՀ դրամ գումար: Սակայն ոստիկանության հիշյալ աշխատակիցն իրեն վստահված գումարներից 1.850.000 ՀՀ դրամն անասնատերերին փոխանցելու փոխարեն յուրացրել է, որի հետևանքով Ռ. Ռ.-ին պատճառվել է խոշոր չափերով գույքային վնաս:

Այսպիսով, պետական հատուկ ծառայություն իրականացնող ոստիկանության պաշտոնատար անձի կողմից յուրացման եղանակով խոշոր չափերով գույքի հափշտակության դեպքի առթիվ հարուցվել է քրեական գործ` ՀՀ քրեական օրենսգրքի 179-րդ հոդվածի 2-րդ մասի 3-րդ կետի հատկանիշներով:

Կատարվում է նախաքննություն:



Աղբյուրը: Ոստիկանության աշխատակիցը յուրացրել է 1.850.000 ՀՀ դրամ. հարուցվել է քրեական գործ

Մասին USArmeniaNews.com

Կարդացեք նաև

Ոստիկանությունը պարզել է անգղի ապօրինի որս կատարողի ինքնությունը

«Econews.am» բնապահպանական տեղեկատվական կայքը հոկտեմբերի 20-ին, ժամը 18.39-ին, «Ահազանգ. կրկին սպիտակագլուխ անգղի որսի դեպք» վերտառությամբ՝ …