Երեքշաբթի , Մայիսի 23 2017
Սկիզբ / Արցախ / Հերթական սադրանքը՝ Ադրբեջանի զինուժի կողմից․ ԱՀ ՊՆ (տեսանյութ)

Հերթական սադրանքը՝ Ադրբեջանի զինուժի կողմից․ ԱՀ ՊՆ (տեսանյութ)

Ադրբեջանի զինուժը վերջին օրերին արցախա-ադրբեջանական հակամարտ զորքերի շփման գծում միտումնավոր սրելով իրավիճակը և դիմելով տարբեր սադրանքների՝ այսօր անցել է բանականության մեջ չտեղավորվող գործողության: ՊԲ առաջնագծում տեղադրված տեսադիտարկվող համակարգերն արձանագրել են, որ ժամը 12:15-12:19-ի և 13:32-13:36-ի սահմաններում շփման գծի Սեյսուլան-Յարըմջա հատվածում հակառակորդը, նախնական տվյալներով, 60 միլիմետրանոց ականանետերից կրակ է վարել իր իսկ դիրքերի ուղղությամբ, ինչի հետևանքով նշված հատվածներում տեղի են ունեցել պայթյուններ: Նշվածը ևս մեկ անգամ ապացուցում է, որ հակառակորդի ճամբարում կամ անձնակազմը չի տիրապետում իր մասնագիտական պարտականություններին, կամ բացակայում է ուղղահայաց կառավարումը և ցանկացած հրամանատար առաջնագծում իրեն թույլ է տալիս գործողություն իրականացնելու որոշում ընդունել կամ էլ հակառակ դեպքում նման ստոր քայլերով Ադրբեջանի ռազմաքաղաքական ղեկավարությունը հող է նախապատրաստում իր հետագա սադրանքների համար:

ԱՀ Պաշտպանության նախարարությունը տեղեկացնում է, որ օրվա ընթացքում հայկական կողմը հավատարիմ է մնացել հրադադարի պահպանման ռեժիմին և որևէ գործողություն, առավել ևս խոշոր տրամաչափի զինատեսակներից, չի իրականացրել:

ԱՀ ՊՆ



Աղբյուրը: Հերթական սադրանքը՝ Ադրբեջանի զինուժի կողմից․ ԱՀ ՊՆ (տեսանյութ)

Մասին AraratNews.am

Կարդացեք նաև

Պաշտոնները ժամանակավոր գործողություններ են (տեսանյութ)

Ազգային ժողովի նախկին նախագահ Գալուստ Սահակյանն այսօր խորհրդարանում ԱԺ նախագահի ընտրությանը մասնակցելուց հետո պատասխանեց լրագրողների …

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով