Էրերան ՄՅՈւ-ի՝ մրցաշրջանի լավագույն ֆուտբոլիստ

«Մանչեսթեր Յունայթեդի» կիսապաշտպան Անդեր Էրերան ստացել է Մեթ Բասբիի մրցանակը՝ որպես ընթացիկ մրցաշրջանում մանկունիացիների լավագույն ֆուտբոլիստ:

Այս մասին հայտնում է ՄՅՈւ-ի պաշտոնական կայքը:

Ակումբի պաշտոնական կայքում անցկացված հարցման արդյունքում իսպանացին առաջին հորիզոնականն է զբաղեցրել՝ 242 ձայնով շրջանցելով Անտոնիո Վալենսիային:

ՄՅՈւ-ի՝ ընթացիկ մրցաշրջանի լավագույն գոլահար Զլատան Իբրահիմովիչը, փոքր-ինչ զիջելով էկվադորցում, եզրափակել է լավագույն եռյակը:

Անգլիայի առաջնության ընթացիկ մրցաշրջանի 31 խաղում Էրերան 1 գոլի և 6 գոլային փոխանցման հեղինակ է դարձել:

Աղբյուրը: Էրերան ՄՅՈւ-ի՝ մրցաշրջանի լավագույն ֆուտբոլիստ