Հինգշաբթի , Ապրիլի 19 2018
Սկիզբ / Ներքին կյանք / ՊՆ-ում տեղի է ունեցել հանդիպում Հայաստանում հավատարմագրված ռազմական կցորդների հետ

ՊՆ-ում տեղի է ունեցել հանդիպում Հայաստանում հավատարմագրված ռազմական կցորդների հետ

Հունվարի 27-ին ՀՀ ՊՆ վարչական համալիրում տեղի է ունեցել Հայաստանում հավատարմագրված ռազմական կցորդների ասոցիացիայի հետ ամփոփիչ հանդիպումը: ՀՀ ՊՆ պաշտպանական քաղաքականության վարչության պետ Լևոն Այվազյանը ներկայացրել է պաշտպանական քաղաքականության շրջանակներում 2016թ. Հայաստանի պաշտպանական գերատեսչության գործունեությունը ռազմաքաղաքական հարաբերությունների, զինված ուժերի զարգացման, միջազգային ռազմական համագործակցության, միջազգային խաղաղապահության, սպառազինությունների վերահսկման ոլորտներում: Նշվել է, որ 2016թ. ընթացքում, ինչպես և նախորդ տարիներին, հիմնական ջանքերն ուղղորդվել են ՀՀ միջազգային ռազմաքաղաքական դիրքերի և դաշնակցային ու գործընկերային հարաբերությունների ամրապնդմանը, զինված ուժերի զարգացմանը, ինչպես նաև ներգրավմանը միջազգային կայունության և անվտանգության գործողություններին:

Վերահաստատվել է, որ ՀՀ պաշտպանության նախարարությունը շարունակելու է ակտիվորեն կյանքի կոչել պաշտպանության ոլորտի բարեփոխումները և իրականացնել միջազգային ռազմական համագործակցության, խաղաղապահության, սպառազինությունների վերահսկման ոլորտներում ստանձնած պարտավորությունների իրականացումը:Լևոն Այվազյանը նշել է նաև, որ 2016 թվականը հատկապես առանձնացավ 1994թ. հաստատված եռակողմ զինադադարից ի վեր ԼՂ հակամարտության աննախադեպ թեժացմամբ և ապրիլին Ադրբեջանի կողմից Լեռնային Ղարաբաղի դեմ սանձազերծած ռազմական գործողություններով:Հանդիպման ավարտին ՀՀ ՊՆ պաշտպանական քաղաքականության վարչության պետը պատասխանել է Հայաստանում հավատարմագրված ռազմական կցորդների ասոցիացիայի ներկայացուցիչների հարցերին:

Աղբյուր — ՊՆ-ում տեղի է ունեցել հանդիպում Հայաստանում հավատարմագրված ռազմական կցորդների հետ

Մասին Lragir.am

Կարդացեք նաև

Սերժ Սարգսյանը Հայաստանը տեսնելու է փշալարերի հետևից. Փաշինյան

«Իմ քայլը» շարժման առաջնորդ Նիկոլ Փաշինյանը Բաղրամյան 26-ում հայտարարեց, որ իրենց պայքարը շարունակվում է. այստեղից …